မြေပြင်သတင်းအချက်အလက်များ၏ အကျိုးသက်ရောက်မှု
- One Map Myanmar Geoportal ရှိ မြေပြင်သတင်းအချက်အလက်များသည် သက်ဆိုင်ရာ အစိုးရဌာန၊ အဖွဲ့အစည်းများက ပံ့ပိုးပေးထားသည့် မြေပြင်သတင်းအချက်အလက်များကို စုစည်းထားခြင်း ဖြစ်ပါသည်။
- One Map Myanmar Geoportal က လွှင့်တင်ပေးထားသည့် မြေပြင်သတင်း အချက်အလက်များကို ပြည်သူတို့၏ လူမှုစီးပွားဘဝဖွံ့ဖြိုးတိုးတတ်ရေး အကျိုးအလို့ငှာ အထောက်အကူဖြစ်စေသော မြေပြင် သတင်းအချက်အလက်များအဖြစ် အသုံးပြုနိုင်မည် ဖြစ်ပါသည်။
- One Map Myanmar Geoportal တွင် လွှင့်တင်ထားသည့် မြေပြင်သတင်း အချက်အလက်များသည် သက်ဆိုင်ရာ အစိုးရဌာန၊ အဖွဲ့အစည်းများ၏ မူရင်းအထောက်အထားများပါ မြေပြင်သတင်း အချက်အလက်များနှင့် ကွဲလွဲမှုရှိလျှင် သက်ဆိုင်ရာအစိုးရဌာန၊ အဖွဲ့အစည်းများ၏ မူရင်းအထောက် အထားများပါ မြေပြင်သတင်းအချက် အလက်များကသာ တရားဝင် အကျိုးသက်ရောက်မှု ရှိပါသည်။
မူပိုင်ခွင့်
One Map Myanmar Geoportal သည် သက်ဆိုင်ရာ အစိုးရဌာန၊ အဖွဲ့အစည်းများက တရားဝင် ထုတ်ပြန်ထားသော သတင်းအချက်အလက်များကို အခြေခံ၍ ဝန်ဆောင်မှုပေးခြင်း ဖြစ်သောကြောင့် One Map Myanmar Geoportal က ထုတ်ပြန်ပေးသော မြေပြင်အချက်အလက်များကို သက်ဆိုင်ရာ အစိုးရဌာန၊ အဖွဲ့အစည်းများ ၏ ခွင့်ပြုချက် တောင်းခံခြင်းမပြုဘဲ လိုအပ်သလို ရယူ၍ ဥပဒေဘောင်အတွင်း လွတ်လပ်စွာ အသုံးပြုနိုင်မည်ဖြစ်ပါသည်။ သို့ရာတွင် One Map Geoportal ရှိ မြေပြင်သတင်း အချက်အလက်များကို ခွင့်ပြုချက်မရှိဘဲ စီးပွားရေးအလို့ငှာ အခြားသော အင်တာနက်စာမျက်နှာများတွင် အသုံးပြုခြင်းနှင့်ထုတ်ဝေဖြန့်ချီခြင်း မပြုရပါ။
One Map Myanmar Geoportal အသုံးချခြင်းဆိုင်ရာ မူဝါဒ
One Map Myanmar Geoportal ၏ အင်တာနက်စာမျက်နှာ နှင့် Application များအား အသုံးပြုသူသည် အောက်ပါ တို့ကို ရှောင်ကြဉ်ရပါမည်-
- One Map Myanmar Geoportal ၏ ဆောင်ရွက်ချက်နှင့် စနစ်လည်ပတ်မှု ကို နှောင့်ယှက်ခြင်း။
- တတိယပုဂ္ဂိုလ်၏ အခွင့်အရေးကို ချိုးဖောက်ရန်အလို့ငှာ သတင်းအချက်အလက်များ ကို အသုံးပြုခြင်း။
- မြေပြင်သတင်းအချက်အလက်များကို ဥပဒေဘောင်အတွင်း သုံးစွဲခြင်းမရှိဘဲ အလွဲသုံးစား ပြုလုပ်ခြင်း။
- One Map Myanmar Geoportal ၏ ဝန်ဆောင်မှု ပျက်ပြားစေရန် သို့မဟုတ် အနှောင့်အယှက်ဖြစ်စေရန် One Map Myanmar Geoportal တွင် လွှင့်တင်ထားသော မြေပြင် သတင်းအချက်အလက်များကို ဖျက်ဆီးခြင်း၊ မမှန်မကန် ပြုလုပ်ခြင်း။